文章分類: 一般 ( Wai ♥ Sam ♥ PC Dog)

相睇飯

kenix2 — Fri, 18 Dec 2009 09:57:31 +0800

收工出太子會合老公，之後就諗今晚去邊到食，點知行來行去，等來等去，最終都只係去茶餐廳食小菜就算，相信最失策都食飯呢方面老公有Ｄ安排失當；起初坐落開飯嘅時候，大家都好似無乜共同話題，到尾段終於搵到工作呢個topic，就係我呢個會計人可以同今晚嘅女主角有ｄ野講，總算大家可以一齊開始傾下偈．．．．．．

食完飯就走人，我同老公&男主角就一齊去搭巴士，仲可以順路帶女主角去埋火車站，呢個時候兩個主角終於有機會傾下偈喇．．．

送左女主角入閘之後，就問男主角感覺如何，至少依家知道男方唔會抗拒先，唔知之後會唔會有下聞呢．．．．．．

藍光碟

kenix2 — Thu, 17 Dec 2009 09:03:24 +0800

今晚老公都係忍唔住買左變形金剛blue ray，真係好明佢點解可以一套戲可以重覆又重覆咁睇，即使我有幾鍾意極我都做唔到

試新機

kenix2 — Wed, 16 Dec 2009 13:27:40 +0800

今晚老公整好條電視天線的話就可以試機，果然做慣做熟，好快就已經整好，跟住暫時拎住房部機頂盒試下部機先，真係有ｄ料到．．．之後就要勤力ｄ執好間屋先得．．．

大執位

kenix2 — Tue, 15 Dec 2009 10:34:36 +0800

為左準備送電視黎，今日專登下晝休息，返到屋企執一大輪，跟住電視就差唔多５點送到，仲我幫收走部大牛龜，之後等老公番黎幫手執ｄ就過去食飯，再夜Ｄ等埋佢細佬黎幫手搬走個電視櫃，仲以為拎到嗰邊都只係放埋一邊寄存，點知佢細佬又o岩用，所以唔使o徙．．．

佢地搬緊櫃嘅同時，我就響屋企移吓ｄ位先，自己一個一搬，依家先知張梳化係咁重，係咁死推難推，終於俾我推到目的地，果然個廳係好用左喎．．．

隨後仲有好多手尾要跟，不過大執位總算ｏｋ．．．待續

大出血

kenix2 — Mon, 14 Dec 2009 09:31:56 +0800

今晚係老公返緊嘅course最後一日，正常都有一個所謂嘅考試，所以佢話實有得早走，所以我收工就響荃灣打夠書釘先出去瓊華，諗住順路可以一齊搭車，原先話8點鐘考，我就預７點半鬆ｄ就搭mtr出去，到我上到去無耐，佢就已經打黎話走得，攪到我滾水淥腳揀左幾件衫就走人．．．

一邊搭車一邊諗緊買唔買部電視好，最後終於決定買，雖然係貴左ｄ，而且有ｄ人會覺得好貴，多數都唔會俾個老公咁買法，其實自己老公都有ｄ唔捨得，但係我同佢講，如果用咁多錢買一粒鑽石俾我，我情願用咁多錢買部電視好過，因為大家都可以一齊擁有，一齊開心好過啦．．．

行宜家

kenix2 — Sun, 13 Dec 2009 10:25:46 +0800

今日起身落街食埋野就出發去沙田，目的地就係話宜家，去到同一個商場，就覺得多左好多傢俬舖，好似多左好多野睇，之後就上左宜家，可能之前入左ｄ傢俬舖睇，再睇番宜家ｄ傢俬真係唔係好掂，原全覺得唔入流，唔及人地咁時款；不過我地都用左$99.9 買一個叫床頭几嘅物體，我地買黎當然唔會放響床頭，只係用黎佈署如果真係買部電視，佢只係暫時用嘅一個架仔；希望可以響幾年內間屋黎個大番新．．．期待中．．．．．．．

一週年

kenix2 — Mon, 07 Dec 2009 10:13:32 +0800

一年前嘅今日，就係同老公結婚嘅大日子，眨吓眼就已經過左一年；雖然之前有打算過去泰國慶祝，可惜假期就唔到，所以我地就諗食餐好嘅黎補數；一收工老公等埋我就一齊搭車入元朗再轉車入流浮山；原先預千幾銀食餐勁嘅，點知埋單都只係六舊幾，真係食完都已經好想再去食過．．．

安息吧

kenix2 — Mon, 30 Nov 2009 13:07:29 +0800

在遙遠的一方，您要活得更快樂

苦半生

kenix2 — Fri, 06 Nov 2009 10:07:38 +0800

今晚老公返學，就返左屋企食飯；老豆講左個消息，話阿媽一個相識幾十年嘅姊妹有cancer ，估唔到繼上次一個大手術之後，又得來呢個病；我已經好小見佢，只係阿爸阿媽會探下佢，記得上次見佢，應該約一年前我結婚嗰日佢都有黎飲，當時佢精神健康都幾好；今日阿爸阿媽去過探佢，阿媽話佢成個人瘦晒，唔會好耐．．．聽到真係心都傷．．．自從佢十幾廿年前離婚之後，生活方式原全改變，一年間好似老左十年，捱了大半生，原本依家係最可以安享晚年嘅時候，點解唔俾佢響人生最後階段可以快樂咁過．．．提起佢就諗起一個字【苦】．．．祝福妳 ~~~

燒野食

kenix2 — Sat, 24 Oct 2009 13:27:47 +0800

今晚要同老公同埋佢D朋友去個朋友屋企BBQ，原本今日下晝可以收工就返屋企hea，為左要等老公收工之後一齊入沙田，所以我就好唔情願地響公司做野，之後老公黎到響樓下等我時，竟然見到司機大佬都響到，自從上次之後，我真係唔係想同佢講野

去到朋友屋企，就見到佢隻超可愛玩具貴婦，不過我都係鍾意阿B多D；愈黎愈鍾意村屋，唔知有無機會可以住村屋呢

無加班

kenix2 — Sat, 17 Oct 2009 13:14:29 +0800

原先叫左老公下晝食自己，我就會加班；大陸係咪都係返5日工架? 點解兩個客嘅email 成朝都唔覆我架！到左１點，自己手頭上嘅工作又唔係咁急，所以我都１點半走喇，可能加上老公休息，所以更加想走；

今晚同舊同事MSN ，都希望佢可以搵到份好工；其實我都好想返5日工，不過我地呢行真係好難實現，除非轉行

又休息

kenix2 — Fri, 16 Oct 2009 12:49:45 +0800

老公連休兩日，佢今晚又唔使返學，原先諗住佢會返屋企食飯，點知佢話自己煮，因為之前睇到頭條有教整椒鹽脆肉鯇，所以我叫佢煮呢樣；放７點搭車返屋企，點知等左好耐先有車，攪到老公準備好嘅晚餐都攤凍左喇，不過都係咁好味．．．正

怕左佢

kenix2 — Thu, 15 Oct 2009 13:01:02 +0800

今晚老公話司機大佬約食飯，以往每次佢吹雞我都會應約，但係唔知點解，自從嗰次４個人食飯之後，佢當時嘅情緒同發嘅脾氣，唔知係咪嚇親我，所以我今次一口拒絕；佢應該好好檢討一下自己，佢有一班對佢不離不棄嘅朋友真係佢嘅福份；可能佢呢班朋友次容忍佢，令佢跟本唔知道自己出左咩問題，所以今次我表態，只係想佢知道，唔係個個人都好似佢呢班朋友可以接受到佢呢Ｄ表現，連老公都贊成我咁做

影印機

kenix2 — Mon, 12 Oct 2009 12:40:18 +0800

老闆終於買左部影印機，仲今日送到黎，點知經師父解釋後，先知道有Ｄ用途唔係我地嘅原意，老闆之後又要打俾Sales 後加配件，總算可以解決到，真係唔知老闆點同人溝通，淨係聽到佢之前同個所謂 Sales 響房"哈哈哈"

搬入房

kenix2 — Sun, 11 Oct 2009 12:31:42 +0800

老公細細佬又唔瞓以前老公個房仔喇，佢會瞓番以前間房；而且依家星期日都總可以又大家人一齊食晚，我諗佢阿媽係至開心；

依家兩個細佬都一人一間房，咁第日我個仔咪無左間房囉．．．嘻嘻．．．．（無聊中）