Wai ♥ Sam ♥ PC Dog

年初四

kenix2 — Wed, 17 Feb 2010 17:47:51 +0800

夜晚出左荃灣團拜，入到屋無耐，就見到兩個無謂人，sorry我同你唔熟，我唔會 buy呢ｄ咁俗套嘅說話，你覺得我寸無問題，因為我唔喜歡你呢類人先。。。哈

之後食完野有人再開檯，有人玩啤，玩到１１點就散，好在老公聽日返晏啫

年初三

kenix2 — Tue, 16 Feb 2010 17:43:26 +0800

今日老公休息，原先諗住禮貌上都要去我屋企拜年，點知屋企人返上大陸，可以唔使去囉；之後去朋友屋企團拜，一家人無來，所以人丁好似單薄左ｄ，不過都好，見小兩個無謂人；又係因為太凍，都係食完飯快ｄ走ｌｕ

年初二

kenix2 — Mon, 15 Feb 2010 17:37:43 +0800

今日老公返晏，要晨咁早10點過佢阿媽到食開年飯，咁大個人我都好似第一次咁做食飯，仲要係一連食兩餐，食到10點9就要同老公走喇，佢返工我就要自己返屋企再追開年飯，真係天寒地凍，快ｄ食完快ｄ走！返到屋企都有訓番陣，可能今早食得多，夜晚都無食野，好在老公收工買左ｄ街邊小食俾我，超好味！ｙｕｍｍｙ！

年初一

kenix2 — Sun, 14 Feb 2010 17:30:03 +0800

今日係年初一加上係情人節，很可惜地老公要返工，仲要係返早添，即使係大年初一都要起身煮早餐佢食，雖然係辛苦ｄ，但對人個年初一都要返工嘅人黎講，我起身煮個麵又有幾咁辛苦丫；老公收工就一齊過佢阿媽到吃飯，係咪真係有鄉下興，自己個仔結左婚，可以連利是都唔駛派俾佢嘅呢。。。

年三十

kenix2 — Sat, 13 Feb 2010 12:55:34 +0800

難得今日兩個都放假，所以點都要訓晏D，起身就煎蘿蔔糕食，然後就落街添置下D野，行行下老公又要睇下電話上網D Plan，攪下攪下都成3點幾，之後快D番屋企執下屋，最後廳盞燈有Ｄ壞，反正屋企有盞，所以老公順便換埋;之後就去食團年飯，然後就行左一陣無野好睇嘅花市，點知咁都買到一個番梘ＰＣ狗暖手套 ! 咁就過左年三十嘞!

大掃除

kenix2 — Fri, 12 Feb 2010 17:20:00 +0800

基本上早兩日我已經執好自己個位，今日就要老闆娘同朱同事大移位，而我就清潔下公司其他部份，今日算係行行企企咁，１２點半就出街食飯，食完番來執埋ｄ手尾，貼下揮春同放好個全盒，攪下攪下都要５點先走得；食晏途中，老公打黎話用OT假放埋下晝，所以放工返到去已經見到佢

好快喎

kenix2 — Thu, 11 Feb 2010 17:26:13 +0800

8號晚，終於落實買Google部電話，自落完order 之後，一直都跟蹤DHL郵件幾時到，因為之後又放年假，仲要放咁多日，所以都有ｄ擔心趕唔切，好在，今日終於俾我收到喇。

出花紅

kenix2 — Mon, 08 Feb 2010 12:44:17 +0800

望到頸都長嘅花紅同雙糧今日終於出，仲以為老闆會臨放假之前先出添；順便同佢提議我地依家做野嘅位置會有ｄ郁動，所以下晝就 call 左師父黎度下位先，之後就會準備大移位嘞

加人工

kenix2 — Fri, 29 Jan 2010 12:35:36 +0800

今日出左糧，估唔到老闆會肯加人工，雖然唔係按人工幾多個％黎加，計番個％可能只係好小，加總好過無啦

星期一

kenix2 — Mon, 04 Jan 2010 13:20:19 +0800

無謂之前放過幾多日假，逢星期一都係永遠唔想返工，今日老公仲返新工，都要７點鐘為佢準備早餐，希望佢工作順利

老公返到屋企講左個壞消息，佢公司係無早餐包，所以煮早餐嘅日子又再出現，我會覺得情願自己辛苦ｄ，都唔想佢用十幾廿蚊出街食一個唔好食嘅早餐

購物日

kenix2 — Sun, 03 Jan 2010 13:16:33 +0800

起身煮過麵食之後，就諗定一陣落街要買ｄ乜，落一落街都用唔小時間，同埋ｄ錢真係駛得好快；夜晚食完返就返屋企攤下先，今晚都係唔會執屋住

電視架

kenix2 — Sat, 02 Jan 2010 15:10:19 +0800

尋晚上完大陸返到屋企都差不多1１點，返到去睇完吒咤都仲唔願訓，上吓網都攪到４點先肯訓，今早起身要去管理處借車仔，然後就去取玻璃，食完野老公就返去砌埋個玻璃電視架，砌完都覺得好滿意。下晝就落街行下，睇下咖啡機同埋其他濕碎野，再買定今晚嘅晚餐，之後等個鞋櫃送到。

元旦日

kenix2 — Fri, 01 Jan 2010 10:41:11 +0800

新一年新開始

起身後約好司機大佬響屋企附近食埋晏就搭車去上水鐵路站，跟住就去羅湖過關，好在今日唔係咁多人，之後會合埋國內嘅朋友就去行下街，其實今次都無乜野特別想要買，只係陪司機大佬上黎一趟，最後決定行下賣電器商場，真係大開眼界；之後朋友介紹下提議去一間食豬肚好出名嘅店，果然真係無得頂，仲要係平到不得了，４個人食，飲埋啤酒汽水，都只係２佰蚊，真係唔怪得咁多人話上去食野

除夕夜

kenix2 — Thu, 31 Dec 2009 09:29:36 +0800

今日老闆無明確地話收4點，不過我地都唔理佢咁多，４點就鬆人，之後就去左書局打書釘，等到老公收工黎到就去食小肥羊，然後就出發去工展會行兼count down，今次去到一樣野都無買，好唔容易先等到倒數，氣氛都係弱左ｄ

再見２００９；迎接２０１０

走火警

kenix2 — Wed, 30 Dec 2009 10:09:30 +0800

今早１１點９做做下野聽到警鐘響，仲諗住係一般誤鳴，再響多陣有同事由出面返入黎，話聞到一陣燒著野嘅味，仲有濃煙，之後各商戶走出走廊睇下發生咩事，之後我公司全同事都決定行２０層樓梯落樓疏散；離開公司足足３個鐘先可以再返去

夜晚約左姊妹買野，佢未到之前響書局hea一陣，跟住佢黎到就出發去買野喇，買完野就去食好耐無食過嘅芝士火煱，實在太美味，hummy