今晚又出旺角，去到旺角站仲落狗屎，上到去舖頭我都濕晒；坐一陣又有人係咁塞豬肉乾我食，之後仲塞支水我飲... 跟住就揀衫，由於又係時候要換季，揀完一輪衫之後，又買左幾件衫，之後姊妹就黎到，又到佢揀下買下跟住就走去食飯，去左好耐無去堂食過嘅必勝客，臨埋單時老闆又打黎話姊妹對鞋返左，所以又走番去拎埋對鞋

好耐都無掂呢個blog，都係歸咎於自己懶；尋日老公休息，我收工就返入去陪佢食野，之後就響屋企hea，我就必然黎個午睡先，到夜晚食完飯就去左實惠買左幾個用黎抽真空嘅衫袋，係時候要為個衣櫃大執；買完野老公又話要去睇電話，可能佢一直都知我唔係咁鍾意用部HTC，所以佢一直都想同我換左部電話去，去到衛訊睇中一部N記2G手機，反正自己都只係用2G台，同埋只係for打出打入，所以Trade左部舊機加幾舊水就有新機用lu..

今日老公間公司有堂佢上，所以唔使咁晏出門口，朝早就7點半起身陪佢落街一齊食早餐，食完野之後佢就去搭車，我又返屋企hea喇