三日嘅台北遊終於結束，呢三日真係行左好多路

第一日：星期五，同老公食過早餐就搭車出發去機場會合埋同行嘅朋友，之後就開始出發上機喇！去到桃園機場兌換埋台幣，朋友兩公婆做落地簽証，我同老公就入境先，俾左護照關員睇之後，哈，個女職員對我講左一句【生日快樂】，估唔到一入境就感受到當地人嘅親切。酒店check-in後，第一站去淡水，之後去劍譚嘅美麗華坐摩天輪，再去士林夜士

第二日：食過早餐就出發去九份，之後就去師大夜士，返回西門町

第三日：買手信，返香港

全個行程的總結：台灣人很熱心親切，即使問路，佢地都好樂意幫你；台灣食店，佢地好差，唔會俾碗仔你，即使唔係即棄嘅碗，佢地都懶巴閉唔俾你用；呢三日雖然係好熱，個個都行到大汗搭細汗，行到腳痛，但係我地都無乜怨言，一邊嗌晒攰，但依然繼續行，全因為大家都知去旅行就係咁，所以呢個行程都幾開心

尋晚約左姊妹F食飯，順道睇下有無Tee 啱心水，點知都買左3件，之後就去椰林閣食dinner；其實每次放工行得街黎，食飯時想坐多陣傾耐d都唔得．．．提起養寵物，我諗阿Ｂ如果真係有日唔響到，相信我真係會喊得出；姊妹F仲話我以前"過去式"都係有養狗，但係唔知點解我係鍾意阿B多D；期待一個星期後嘅台北之旅．．．

尋日同老公出左深水埗買Ｄ野，之後就去荃灣朋友屋企，大家相量一下去台灣嘅行程；諗一諗原來自己係8年前去過台灣，當時仲係同過去式去嘅，今次就同老公加埋佢老友兩公婆，我諗都應該好玩嘅；今日收工就去拎埋個喼，終於俾我買到個細喼ＬＵ

今日公司好靜，原本諗住我ＯＴ，老公訓醒覺先出黎荃灣，但係實在太悶，所以收工我都即閃返左屋企先，然就晏Ｄ就出荃灣，去朋友屋企煮海鮮食，第一次食司機大佬一手包辦煮嘅海鮮，真係好味道

之後食完野就行去搭車，途中見到一隻好得意嘅曲架，行多兩行原來隻狗個主人係識我老公，所以同隻狗玩左一陣，Cookie 都係好得意，肥嘟嘟好似阿B 咁可愛