星期二&三晚老公都要開通宵，所以佢食過晚飯之後，就返屋企眠一眠，為左令佢可以休息下，我就要熄燈電視較到無聲，響咁靜嘅環境之下，都攪到我好眼訓，所以第二晚我都頂唔住，9點幾都走去瞓埋一份

今日去左深圳書城，真係好多年無返過大陸，估唔到變左咁多，真係好方便，唔怪得Ｄ人成日都話返大陸啦；行左幾個鐘書城，都買左好多本書，總算係大豐收

今日老公要返工，所以煮完早餐送佢出門口之後，就回歸番張床到大覺訓，一訓就訓到12點幾先起身，響開左冷氣嘅房到實在太舒服，真係唔願出街食野，所以響屋企就搵吓有咩可以頂肚就算；上吓網食吓野，就咁又等到老公打電話黎話收工

之後就返佢屋企食飯，行嗰一段仔路，已經覺得好熱好谷．．．真係行耐d都死

繼上次想去泰國，但係因為暴動嘅關係取消左而改去韓國之後，原本打算今個月月尾會去泰國一轉，當諗得如火如荼之際，突然間又殺出隻豬，仲要全世界周圍都有咁；攪到依家多數都唔去．．．　呢次泰國之旅真係一波三折

今早竟然好訓過頭，老公突然拍醒我，原來已經11點半，再遲ｄ就真係趕唔切去老公朋友個婚禮，煮好野食12點半就出門口，再去買份禮，之後就搭巴士，最後都係拍趕唔切，就響深水埗轉的士去樂富間教會到觀禮

之後就去左樂富吉之島食d野，然後又搭車出荃灣，再去朋友屋企拎番ｄ野

唔經唔覺，我地已經結左婚半年，時間真係過得快

下晝豬先生無返屋企食 lunch，點知老闆出左去都專登打個電話返黎話請佢食飯，仲話叫埋我地一齊去；去到坐落無耐，佢終於有野講，原來有個客亦都係佢老友公司盆數要趕住借錢要俾銀行睇，可能佢知道我同豬先生都好唔鍾意呢個客，所以請我地食飯，算做俾ｄ甜頭我地；咁啱有個空檔，都係由我攪掂去算

今晚老公返學，所以又要自己食飯，加上有盆數又咁趕咁就ＯＴ，做做下見好多日無同好姊妹 MSN，竟然7點都仲見到佢online，傾傾下大家都係自己食，所以揀日不如撞日，咁就約左響葵芳一齊食飯

回想廿年前嘅今日，同現在嘅今日，對六四有ｄ咩感覺，有無唔同呢?

今日收工要去佐敦打第二針乙型肝炎針，同老公打完之後又再搭港鐵返荃灣，因為司機大佬吹雞食飯，然後食完佢跟埋返屋企，拎埋部電視同燒左隻碟俾佢拎走，佢係第一個老公嘅朋友上黎我個狗兜，真係好亂．．．真失禮

今日老闆兩公婆成個下晝都無返到公司，收工就同d同事一齊收工，近幾次到我地鎖門嘅時候，老闆就會出現，佢 d bingo 又出現番喇

返到去就見到信箱有考試局封信，拎到返屋企老公好緊張，最後都係由我睇先，哈哈．．．〔合格〕

原本今晚佢要返學，但係佢就偷懶唔想專登出去觀塘，所以順理成章我地出街食飯順便當慶祝佢考試合格

尋晚老公收工時打黎話真係要開通宵，所以食完晚飯之後，就啦啦聲返屋企眠一眠，跟住佢就出門再返工；原先佢諗住今朝收工佢去荃灣會合我一齊食早餐，但係我諗諗下都係唔好，叫佢收工快ｄ返屋企訓覺好過；我照平日嘅時間出門口，老公收7點返到黎都差唔多時間，唔知我地會唔會相遇呢

行行下真係有個人行左埋黎，哈．．．原來真係佢，之後佢就陪我去等車，然後佢就返屋企訓覺覺