星期一晚約左壇垃圾嘅老闆簽名，手頭上緊急嘅野都總算攪掂，最開心嘅一刻就係終於有錢收

今晚要返老公屋企做節，估唔到一開門係見到佢細佬個女朋友，自從我地結婚嗰日見過面之後，今次只係第二次見佢，可惜最美中不足係佢細細佬個女朋友無黎到，如果唔係就齊人lu

尋日老公休息，照原定計劃去換回鄉證，原來中旅社咁近屋企，真係好方便；3點半鬆d就攪掂，就去街市買海鮮，點知落雨好似落狗屎咁，攪到我地兩個都濕晒

今朝煮過野食之後，就出發去朋友屋企，老公要幫手整野，今次總算順利完工

之前老公已經安排好今日要整房部冷氣機，成日話部機有聲，仲話日立機係出名靜喎；所以煮好野食之後就開工

成部機俾佢拆到散晒，原來都係為左換個好細嘅啤呤，我就幫佢洗散拆出黎嘅野，整左幾個鐘，五點終於可以安番上去，估唔到一個咁嘅啤呤，就係令到部機有雜聲

整完之後就出發返屋企做節ｌｕ

因為黎緊個星期日會返屋企做節，所以今日成機唔返阿媽屋企食飯；尋晚突然間好想同老公出街食下飯，最初諗住去食自助餐，但就搵唔到邊間心水，點知最後諗諗下都係打邊爐，就決定去小肥牛，仲叫埋司機大佬

間小肥牛正正響我屋企對面，雖然係唔返屋企食飯，但係我都係要返去　

今日雖然係母親節，但係我地就無同雙方嘅母親慶祝，因為上星期我已經同我母親食左飯；今日老公要幫朋友搬屋，佢9點幾就出左去我都無瞓番，之後又再執下壇垃圾，12點就準備出荃灣，1點前返到公司做下野，約左annie 兩點幾三點拎埋個袋，之後我就入老公朋友間新屋到喇

5月5日(二)：原先老公今晚要返學，因為佢老友急CALL要佢幫手整新屋嘅野，所以佢逃左學，反正佢會響荃灣搭車，我又跟埋佢一齊去，睇下間新屋先；睇完都有Ｄ心動想換樓；有d野其實好想講，但係聽嘅人接唔接受到呢

5月4日(一)：今日約左睇報告，我去到佐敦站嘅時候，原來有個招牌就跌，唔怪得要封晒路；報告大致上我地都OK，只係計劃要延遲半年，hehe.....希望幾個月內可以去多一次旅行；睇完報告之後，因為封路關係，我地要9點先返到屋企食飯

5月3日(日)：起身煮左野食之後，就出左深水埗行鴨寮街，買左套花洒，仲有其他濕碎野，之後就搭車出荃灣同屋企人食飯

5月2日(六)：老公今日要返工，我就執下壇垃圾先 

5月1日(五)：連續三日嘅假期，起身煮完野食都係hea下咁