近排都係攪緊嗰壇垃圾，所以都無乜點update，上星期日去左拜山，第一次去青松仙館，原來真係咁近，但係如果要行路去，就真係好甘，所以我地都係搭的士去；拜山前一日先知，一直以來老公同佢阿媽係分開去拜佢老豆，我聽到覺得莫名其妙；佢阿媽已經去左拜，所以每年都只有老公同佢最細嘅細佬去，至於對下個細佬，我相信佢為左自己嘅信仰去都無去過，而我今年我當然有去埋一份，佢地兩兄弟真係求求其，做阿媽嘅咩都唔交帶，佢地又點知點做丫．．．好在去到真係唔多人，加上以佢地咁求其，所以真係好快攪掂晒，之後我地三個就行路番屋企．．．

原先諗住5月頭先去旅行，尋晚突然間諗到可以4月尾去都得喎，所以今日諗住晏ｄ搵 Ellen幫手，其實上晝我已經上網睇過國泰嘅優惠機票已經無晒；下晝我未搵 Ellen，點知佢已經打黎搵我，真係太啱．．．當然順便問埋佢，佢真係好幫手，完全唔使我打俾個agent 問，佢已經咩都同我問晒，仲幫我俾住錢先，唔使我咁急滕來滕去．．．機票攪掂晒，就等埋老公聽日返公司Book 埋酒店

尋晚食完飯，就約好老公朋友響老麥拎埋ｄ單，早前響電話講，話得一袋單，去到又突然多一箱單，講真．．．我做咁耐，一間有限嘅運輸公司又點會得一袋單咁少，d 人成日都話少野收平ｄ，佢地都癲，執唔齊料咁梗係少野啦；老公個朋友仲話做會計，一間公司要做數，係咁倚睇下都知佢有ｄ咩爭啦，要我問到先識去搵，真係難怪佢做唔掂呢盤數　；呢單freelance 唔係咁易賺  　，見到佢ｄ單，真係可以用公司講開嘅講法黎形容：【垃圾】

今晚返完娘家吃飯，老公就響廳溫書，我就入房開工咯，希望可以盡快做完啦！

今晚要出荃灣食生日飯，所以原先叫左豬先生幫我買嘅衣櫃式乾衣機，都唔駛佢聽日拎返公司俾我，反正老公響到，就直接去左豬先生屋企樓行收貨，佢真係好犀利，咁都俾佢屈到95折同屈埋架車仔，等我地易ｄ拎返屋企，我地就咁拉住架車仔去食飯；返到屋企已經好想快ｄ砌黎試下．．．

上星期已經無返屋企食飯，所以今晚老公要返學我自己都要返屋企食飯，返到去老豆又問呢樣嗰樣，講東講西，又叫我拎呢樣拎嗰樣，真係好煩．．．自從上次唐餅事件後，真係唔係咁想同佢講野　　食食下飯又響到對住阿媽發神經，我都係忍唔住頂佢兩咀，真係都唔明佢點解可以咁臭脾氣，好黑人憎　；更加唔明老媽子點解會搵個咁嘅老公　　

食完飯後，再睇下雜誌；老媽子突然間講．．．．．．仲未有BB？係生就快ｄ生喇？再遲下就高齡產婦架喇；嘩．．．真係俾佢嚇呆，但我依家表現得好平靜啦　

等左一個星期，終於等到聽日星期日休息一天，點知放工嘅時候老公打黎，話今晚要開通宵，佢今晚要返學，仲要返埋通宵 ，真係辛苦．．．

另一方面，我今日到聽朝都係自己一個，真係有D悶，唔知做乜好添．．．聽日老公收工返到黎都係瞓覺，咁我又有乜好做呢．．．唯有今晚夜D 瞓、瞓小D，咁聽日就可以係咁瞓囉

近排生活都好平淡無乜特別，所以Blog 都懶打；最特別只不過係今個星期開始又整吓野食帶返公司做 Lunch ，可能出街食得太悶，算係有D 新鮮！趁老公返左學，自己又無無聊，整左一餐煎餃子，一餐炒拉麵，今日仲叮左燕麥片食．．．

好眼瞓，所以未夠十一點就瞓　，呢一覺真係好好瞓呀．．．到今朝6點20分第二次鬧鐘響嘅時候，我竟然瞓番著，到6點45分突然間醒左，先知

無叫到佢起身呀，唔知佢有無遲到呢