尋晚睇完電視，再上下網、打下機，都已經點幾兩點，所以今朝訓到好晏，到我醒嘅時侯，見到老公已經換好衫準備落街，hehe．．．原來佢想去麥當當買野俾我食；可能我之前係諗住同佢去食野，又加上上個星期食過麥當當，所以我都係即刻起身同佢落街食車仔麵．．．食完野又返上樓，唔知點解仲係好眼瞓，之後我又瞓著左，朦朧中見到老公打過ＮＤＳ，又見到佢坐左響個廳到．．．醒左之後知道，原來佢響到溫書，仲話溫到有Ｄ攰去左晾衫．．．　ＨＡＨＡ

今日同豬先生約左舊同事sam仔食lunch，約左咁耐終於約到，由於今年係我第一年派利是，所以晨早已經預左要派佢呢份，所以今日食飯嘅目的就係派利是俾佢 ．．．亦都希望佢呢份工做得好好地啦

食完之後就返歸，返到去點知仲見到隻豬響到瞓 ，佢已經由尋晚食完返無耐開始就係咁瞓，已經瞓左好多個鐘嘞，如果之前唔係講定今晚自己煮野食，我諗佢都唔會咁早起身住．．．

今晚我煮炒蜆、白灼蝦同蒸蟹，好味道．．．

老公收工依舊會打個電話俾我，之後佢就會搭車返屋企，隔左一陣佢又再打黎，原來佢朋友約佢食飯，因為太耐無好似以前咁吹水，所以即使佢已經搭車返緊屋企途中，都會為左呢餐飯局而中途落車．

今晚依舊去我地曾經經常去嘅地方食飯，同佢地食下講下係最開心嘅

起身無耐，接到姊妹打黎嘅電話，原來係問路  ，好在老公響到，都係佢答妳啫．．．

之後諗住落街食野，諗諗下不如煮ｄ野食算，咁咪唔使落街囉，點知，老公話去買老麥番黎俾我食，呵呵．．．佢咁懶都肯去買，好野．．．　食完野，就各自為正，佢有佢上網，我有我打機；４點睇左陣電視，我睇到好眼訓，又小睡左個幾鐘．．．

今日過得好悠閒，舒服．．．

老公今日休息，我就要返工，不過都係幾個鐘啫；收工上車打俾佢，原來佢響間新開酒樓到等緊位，到我入到去，佢啱啱坐低左，間野都無乜野食嘅，飲完餐茶都３點，出到去先知原來落過雨黎．．．

之後我地就返屋企 hea 下，老公就溫書，我當然係打機啦，之後到６點半就出發去流浮山食海鮮，我地算係慶祝左第三個情人節架喇

早幾日公司個客已經約左今晚我地去佢到拜年；收工後一行３日就搭港鐵到尖沙咀，哈．．．咁都俾我響尖沙咀站電梯位，響我上佢落嘅情況下，見到老公呀．．．

之涕去到客人公司恭喜一番之後，就收到客大的大利是，然後就出發去食飯，今次行到去新港中心，俾往年利得遠好多呀；好耐都無行過呢個場，原來客人一心諗住去鼎泰豐，但係實在太多人等緊，所以我地一行六人就轉去隔離間酒樓，點知埋位之後，隔離原來係乜乜財務春茗，噢．．．好嘈呀；尋晚去朋友個生日飯局係咁．．．今晚又係咁．．．

今晚拆左利是，經一輪點算之後，竟然我地兩個收ｄ利是加埋，都唔夠派出去嘅一半，真係歷年來跌破新低  ；話雖如此，收利是雖然係好開心，但係隨著年幾長大，繼續咁收法都唔係一件好事，所以今年開始要派，其實都好嘅，所以我都派得好開心架，利利是是嘛．．．．hehe  

一直以來收大利是嘅來源唔係親戚朋友，而係公司d客，所以即使結婚未，對我黎講都唔係咁重要，hehe... 唔知今年有無大大利是收呢  

今日係元宵佳節，老公今晚要返學，所以夜晚嗰餐自己食；即使佢唔駛返學，我諗今日都唔會有Ｄ咩節目，因為我一直對中、西情人節都唔太重視，或者應該咁講，如果我仲係自己一個的話，我諗我會介意過呢 D 日子多 D；我唔須要收甚麼花或者禮物，簡簡單單食餐飯都得，個個節日都話要送禮物，真係有錢都難諗．．．

呢排又再愛上NDS，電視劇又即將大結局，所以小左上網；加上自從電視出左問題之後，每晚都只開一部電腦，電視就用番黎睇電視，感覺好似無咁靜，唔會只係各有對住電腦，所以依家都盡可能只係開一部電腦，另外開番部睇電視．．．

今日約左兩家親家飲茶，十一點就去搵位，好在等左一陣就有位啫；飲茶大家都係講埋Ｄ無謂野，其實飲唔飲都罷啦．．．之後就返左屋企，打左一陣機訓番個晏覺，一訓就訓到六點