知道今日會凍，都係轉呔唔去工展會倒數；好在老闆心情靚靚，兩點半就宣佈收4點，咁我就可以照原定計劃，即刻搭車走返去買餸打邊邊，街市超級多人，都買左4樣最主要嘅料，唔使唔點就返到屋企，之後再等老公返到黎睇下有咩買　

打完邊邊再去Taste 買定D野聽日食，決定聽日全日都唔落街，留響屋企睇叱o宅，終於買到雪糕喇，yeah　

因老公工作關係，今年除夕係第一次同老公一齊倒數，仲可以同埋我D最愛PC狗一齊過添　

又話食完飯去買雪糕，到最後又係無買，激死我喇

輕鬆左咁多日，終於要返工嘞，今早懷著好唔捨得張床嘅心情起身！

夜晚食完飯去taste行左陣，我想食雪糕，講左幾次都有人扮聽唔到，返屋企你就知死．．．　　　

今早大約10點半起身，洗完頭就去吸塵，之後就開機洗衫，跟住整左個忌廉湯飲做早午餐，睇埋新聞洗埋碗就可以晾衫，跟住就沖杯我的最愛咖啡，一邊上網一邊嘆下～　

下晝要出尖咀等老公收工，之後Join埋佢d 朋友一齊今晚去食自助餐，ｙｅａｈ～

放完兩日假，今日又要返工，返到公司見到同事們，都係嗰句，【今朝幾唔願起身想，好眼訓呀，好在得半日咋】，好唔容易等到一點，終於可以收工囉！

下晝無野好做，就行左陣返屋企等老公收工，咁就過左一日

今日老公要返工，要等佢收工就入錦田ＢＢＱ，都係同班男人一齊吹下水舒服Ｄ，同班女人一齊真係無乜好講！

終於等到夜晚交換禮物時間，我地抽到一份香薰，跟住抽到一份米奇杯，買杯o個個人仲當佢係寶咁，咪又係杯一隻，妳咁欣賞開句聲我送番俾妳囉．．．超煩的人

今日可以4點收工，跟住就去尖沙咀等老公放工，去到巴士站好多人，最終搭東鐵到旺角再轉巴士；到屯門買埋剌身就返屋企嘞；

就咁響屋企食左一個聖誕餐，過左一個好平安嘅平安夜

午飯時間，去左愉景玩斗買禮物，年年都話唔買俾朱生兩個仔女，但次次都係忍唔住又買左，至少係佢地老豆揀o既，佢地實鍾意　

夜晚食完飯又行下市中心，咁又行到10點；之後又同姊妹F傾左陣MSN，都唔明點解我地咁多野傾！

放工返屋企食飯，食完返好快到１０點半，好眼訓，早ｄ訓先