五月一日零辰開始，開始感覺到咩叫陣痛，之前聽人講第一胎都要痛十幾廿個鐘先生得，由於距離醫院太近，亦都唔想夜麻麻入院，所以我都無立刻叫醒老公，痛下訓下都已經６點，之後同老公講可能生得，然後叫醒埋阿媽，跟住就一齊出門口，阿媽就返屋企先，我就同老公食埋早餐先打的去醫院；估唔到一切都來得咁快，去到醫院老公幫我攪好手續，我就去產前房，老公就返屋企等電話陪產，我響產前房放左部儀器check小bb，之後就有醫生檢查，醫生仲話我就生得，好快又推左我去產房，用左半個鐘有多我就生左小bb出黎，雖然老公因時間問題無得陪產，但就響我生左小BB之後先黎到，都好嘅，佢見唔到我咁辛苦個樣，哈哈。。。

今日就係小BB出世嘅大日子，佢都算乖，唔使我痛得咁辛苦，個個都話我生得快，就連睇住我入院嘅姑娘同我接生o個個人，之後食飯時間都有人黎探我，佢地都話我唔似生完仔，仲中氣十足。夜晚老公Ｄ朋友都有黎探我，見到佢地登我開心我都好高興。

從今日起，我地由二人世界改變成三人行，而小ＢＢ以後生日都有假放，yeah!!

老公放孖day，所以今日佢叫送床仔間公司今日送貨，到5點半佢打俾我話收左貨，不如出黎車我接我收工，點知轉個頭佢又打黎話不如約朋友食飯，不過算啦，反正好耐都無同個朋友食飯，佢仲要係送床仔俾我地個朋友添。食完返到屋企都要拆箱睇下ｄ車仔同床仔先，哈哈。。。

趁食完晚飯，吉豬島仲有ＢＢ展，所以同老公又行下，今次買左兩套床上用品，買下買下統計之下，原來已經買左４千蚊野，真係ＢＢ野好易賺，哈